Karyera mərkəzi

İNNAB Karyera Mərkəzi 2021-ci ildə yaradılmış və qısa müddət ərzində gənclərin və tələbələrin peşəkar inkişafına dəstək göstərən etibarlı mərkəzə çevrilmişdir. Mərkəzin əsas məqsədi iştirakçıların əmək bazarına daha hazırlıqlı şəkildə daxil olmasını təmin etmək, onların bilik və bacarıqlarını karyeraya çevirməkdir.

Mərkəz aşağıdakı əsas istiqamətlərdə fəaliyyət göstərir:

• Peşəkar CV və motivasiya məktublarının hazırlanması
• Müsahibə bacarıqlarının inkişafı və simulyasiya müsahibələr
• Karyera istiqamətinin müəyyən olunması üzrə fərdi konsultasiyalar
• Rəqəmsal imic və LinkedIn profilinin formalaşdırılması
• Təcrübə və iş imkanlarına yönləndirmə

İNNAB Karyera Mərkəzi eyni zamanda Dövlət Məşğulluq Agentliyi, Qaçqın və Məcburi Köçkünlərlə İş üzrə Dövlət Komitəsi və TECHNEST kimi qurumlarla birgə əməkdaşlıq çərçivəsində müxtəlif layihələrdə iştirak etmiş, yüzlərlə iştirakçıya təlim keçmiş və onların işlə təmin olunmasında mühüm rol oynamışdır.

 

“İşsizlikdir” layihəsi

İNNAB Karyera Mərkəzinin təşəbbüsü ilə hazırlanmış “İşsizlikdir” layihəsi sosial məsuliyyət daşıyan və nəticəyə əsaslanan innovativ modeldir. Layihənin mahiyyəti ondan ibarətdir ki, iştirakçılara əvvəlcə peşəkar təlimlər təqdim olunur. Təlimi tamamlayıb işlə təmin olunduqdan sonra iştirakçı razılaşdırılmış qaydada simvolik ödəniş həyata keçirir.

Bu yanaşma bir neçə mühüm məqsədə xidmət edir:

• Maddi imkanlarından asılı olmayaraq gənclərin təlimə çıxışını təmin edir
• Əmək bazarına real keçidi ön plana çıxarır

“İşsizlikdir” layihəsi onu göstərir ki, təlimin əsas məqsədi yalnız bilik ötürmək deyil, həmin biliklərin real nəticəyə – yəni işlə təminata çevrilməsini təmin etməkdir.

 

İNNAB Karyera Mərkəzi olaraq təlimin sadəcə başlanğıc mərhələ olduğunu düşünürük. Əsas hədəfimiz iştirakçılarımızın peşəkar potensialını reallaşdırmaq və onları dayanıqlı şəkildə əmək bazarına hazırlamaqdır.